أسعار الغسالات في مصر 2026
أرخص مكان وأوفر طريقة دفع.

الفول أوتوماتيك (تحميل أمامي) أغلى، بس عادةً بتصرف مية أقل وهادية على الهدوم. الفوق أوتوماتيك (تحميل علوي) أرخص ودورتها أسرع ومناسبة للغسيل الكتير. أصحاب الفوق في جروبات الأجهزة بيقولوا إنها بتسحب مية ومسحوق أكتر، والبقع الصعبة مش بتطلع منها بسهولة، بس بيرشحوها للبيوت الكبيرة والميزانية المحدودة. نصيحتهم: البقعة تتعالج بصابونة قبل ما تدخل الغسالة. التفاصيل في مقارنتنا الكاملة.

لأن البايع مش دايمًا المتجر نفسه: أمازون ونون وبي.تك فيهم بايعين خارجيين، وكل واحد بسعره وضمانه. عشان كده بنكتبلك اسم البايع جنب السعر. اسأل قبل الشراء: الضمان من التوكيل ولا من البايع؟ وهل التركيب متضمن؟

مش دايمًا. مثلًا تقسيط كروت الإمارات دبي الوطني على أمازون من غير فوايد، بس بمصاريف 6.5% على 6 شهور و 11.5% على 12 شهر. اختار كروتك فوق وهنحسبلك الإجمالي الحقيقي.

الحجم الأول: 7–8 كيلو تكفي أسرة صغيرة، و 10 كيلو فأكتر للأسر الكبيرة أو البطاطين. بعدها المكان (أمامي محتاج مساحة قدامه)، والميزانية. دليلنا الكامل: أفضل غسالة ملابس في مصر 2026.

لو لسه في الضمان، كلّم التوكيل الأول ومتفتحهاش. غير كده، أصحاب أجهزة وفنيين في جروبات الصيانة بيقولوا إن السبب الأشهر انسداد في غرفة الهوا أو خرطوم الليفل، أو حاجة صغيرة زي شراب وقعت تحت الحلة. فيه ناس غيّرت الليفل وطرمبة الصرف والمشكلة فضلت، فابدأ بالكشف قبل تغيير القطع. افصل الكهربا والمية الأول، ولو مش متأكد سيبها لفني.

بالسعر اللي هتدفعه فعلًا بعد خصم طريقة دفعك، وبس. لو المتجر الأرخص مش بيدينا عمولة، برضه بيطلع الأول.

عمولة بسيطة من روابط أمازون بس، من غير أي تكلفة عليك. نون وبي.تك مش بيدونا حاجة.

أيوه: كارت فودافون كاش أونلاين (*9*100#)، أو valU، أو الدفع عند الاستلام. اختارهم من «غيّر طريقة الدفع» تحت السعر.